Le texte de cette page a été corrigé et est conforme au fac-similé.
Des Jacobins,
ou
LE DIST DES JACOPINS,
ou ci encoumence
LI DIS DES JACOBINS[1].
Mss. 7218, 7633, 7615.
Seignor, mult me merveil que cist siècles devient,
Et de ceste merveille trop souvent me souvient,
Si qu’en moi merveillant, à force me convient
Faire .i. dit merveilleus qui de merveille vient.
Orgueil et Convoitise, Avarisce et Envie
Ont bien leur enviaus[2] seur cels qui[3] sont en vie ;
Bien voient envieus que lor est la renvie,
Car Charité s’en va et Larguesce dévie.
Humilitez n’est mès en cest siècle terrestre,
Puisqu’ele n’est en cels où ele déust estre.
Cil qui onques n’amèrent son estat ne son estre
Bien sai[4] que de légier la metront à sénestre.
