Le texte de cette page a été corrigé et est conforme au fac-similé.
201
RENART LE BESTOURNÉ.
Qui font son conte.
Bernars gete, Renars mesconte :
Ne connoissent honor de honte ;
Roneaus abaie[1],
Et Ysengrins pas ne s’esmaie.
Le seau porte troupt qu’il paie[2],
Gart chascuns soi :
Ysengrins a .i. filz o soi
Qu’a[3] toz jors de mal fère soi ;
S’a non Primaut :
Renars .i. qui a non Grimaut.
Poi lor est comment ma rime aut[4],
Mès que mal facent,
Et que toz les bons us effacent[5].
Diex lor otroit ce qu’il porchacent !
S’auront la corde.
Lor ouvraingne bien s’i acorde,
Quar il sont sanz miséricorde
Et sanz pitié,
Sanz charité, sanz amistié.
Monseignor Noble ont tuit getié
De bons usages :
Ses ostex samble uns reclusages.
Assez font paier de musages
Et d’avaloingnes
A ces povres bestes lontaingnes
- ↑ Les trois vers qui suivent manquent au Ms. 7615.
- ↑ Ms. 7633. Var. Le séel porte tropt que il paie.
- ↑ Ms. 7633. Var. Que toz jors de mal faire a soi.
- ↑ Ms. 7615. Var. Pou si leur est coument mal ault.
- ↑ Ms. 7615. Var. Et que tous Lyons vous effacent. — Cette dernière leçon est évidemment une erreur du copiste.
