Que covoiteux ne eschars n’iere,
Mais cortois et bien afaitiez
Que cil fust jà bien deshaitiez
Et véist preudome venir
N’uns ne l’ péust el list tenir,
Compeignie de boens crestiens
Estoit ses droiz fisiciens ;
Toujours estoit plainne sa sale :
Sa maignie n’estoit pas male ;
Mais quanque li sires voloit
N’uns de ces sers ne s’en doloit :
C’il ot mueble, ce fut de dete ;
Car qui trop despent il s’endete.
Un jour grant compaignie avoit
Li preudons qui toz biens savoit.
Si parla l’en de ces clers riches,
Et des prestres avers et chiches
Qui ne font bontei ne honour
A evesque ne à seignour.
Cil prestres i fut emputeiz,
Qui tant fut riches et monteiz :
Ausi bien fut sa vie dite
Com ci la véissent escrite,
Et li dona l’en plus d’avoir
Que troi n’em péussent avoir ;
Car hom dit trop plus de la choze
Que hom n’i trueve à la parcloze.
« Ancor a-t-il teil choze faite,
Dont granz monoie seroit traite,
S’estoit qu’il la méist avant,
Fait cil qui vuet servir devant,
Page:Rutebeuf - Oeuvres complètes, recueillies par Jubinal, tome I, 1839.djvu/307
Le texte de cette page a été corrigé et est conforme au fac-similé.
275
C’EST LI TESTAMENT DE L’ANE.
![](http://upload.wikimedia.org/wikipedia/commons/thumb/e/ee/Rutebeuf_-_Oeuvres_compl%C3%A8tes%2C_recueillies_par_Jubinal%2C_tome_I%2C_1839.djvu/page307-1024px-Rutebeuf_-_Oeuvres_compl%C3%A8tes%2C_recueillies_par_Jubinal%2C_tome_I%2C_1839.djvu.jpg)