prunta au nom du roi (voyez l’original, carton J., 473, ou l’extrait, t. VI de l’inventaire, no 23) :
« Sachent tuit cil qui cez présentes letres verront et orront, que nos Joffroy de Sargines, chevaliers, avons receu de monseignor Loeys, par la grâce de Dieu roy de France, quatre paires de letres sayelées de son seyau de cire pendant, dont il conteneit en l’une de cez letres l’enprunt de treiz cenz livres de torneiz, et en la seconde l’enprunt de quatre cenz livres, et en la tierce l’enprunt de six cens livres, et en la quarte l’enprunt de set cens livres, de quoi nos avons receu sur celes letres l’emprunt de deus mille livres de torneiz ; ce est assaveir de Bencheveigne Johan et de Bonfilz Contedin, marchaanz de Sene, de la compaignie de Rolant de Bonseignor, lesques deus mille livres de torneiz nos vindrent à mult grant besoing, com ciaus qui nos esteient mult grant mestier, lesques nos avons departi à nos genz. Et encore monseignor le patriarche de Jérusalem et léguaz de l’apostolial siege et mesire Erart de Valéry et mei avons receu de monseignor le roy de France autres quatre paires de letres sayelées de son seyau de cire pendant ; dont il conteneit en l’une de cez letres l’enprunt de treiz cenz livres de torneiz, et en la seconde l’enprunt de sis cenz livres, et en la tierce l’enprunt de set cenz livres, et en la quarte l’enprunt de huit cenz livres de torneiz que les devant diz monseignor le patriarche et mesire Erart de Valery, et mei avons receuz por les chevaliers pélerins retenir en la Terre-Sainte ; les ques deus mille et quatre cenz livres de torneiz nos avons receus des devant diz marchaanz, por faire et acomplir le commandement de monseignor le roy de France ; por quoi nos prions et supplions la soe seignorie que il, à Hugue Jaque, ou à Rostorjointe, ou à Jaque Gille, ou à aucun autre de la dite compaignie, qui li presentera les letres devant dites, en le transcriz d’eles, qui soient sayelées dou seyau de monseignor le patriarche et des maistres dou Temple et de l’Ospital, et de mesire Erart de Valery, et de mei, veuille faire délivrer mon seignor le roy de France la devant dite quantité ; ce est assaveir les quatre
