Le texte de cette page a été corrigé et est conforme au fac-similé.
La Griesche d’Esté,
OU CI ENCOUMENCE
DE LA GRIESCHE D’ESTÉ[1].
Mss. 7218, 7633, 7615.
En recordant ma grant folie,
Qui n’est ne gente ne jolie
Ainz est vilaine
Et vilains cil qui la demaine,
Me plaing .vij. jors en la semaine
Et par reson :
Si esbahiz[2] ne fu mès hom
Qu’en yver toute la seson
Ai si ouvré
Et en ouvrant m’ai aouvré
Qu’en ouvrant n’ai rien recouvré
Dont je me cuevre.
Ci a fol ouvrier et fole oevre ;
Qui par ouvrer riens ne recuevre
Tout torne à perte,
Et la griesche est si aperte,
Qu’eschec dit à la descouverte
A son ouvrier,
Dont puis n’i a nul recouvrier.
Juingnet li fet sambler février.
