Le texte de cette page a été corrigé et est conforme au fac-similé.
3
L’AVE-MARIA RUTEBEUF.
Et si fist au déable homage
Par sa folor ;
Et puis li fist à sa dolor
Du vermeil sanc de sa color
Tel chartre escrire
Qui devisa tout son martire ;
Et puis après li estuet dire,
Par estavoir :
« Par cest escrit fet asavoir
Théophilus ot, par avoir,
Dieu renoié. »
Tant l’ot deables desvoié,
Que il estoit toz marvoié
Par despérance ;
Et quant li vint en remembrance
De vous, Dame plesant et franche,
Sanz demorer
Devant vous s’en ala orer ;
De cuer commença à plorer
Et larmoier.
Vous l’en rendistes tel loier
Quant de cuer l’oïstes proier
Que vous alastes,
D’enfer sa chartre raportastes,
De l’anemi le délivrastes
Et de sa route.
Graciâ plena estes toute ;
Qui ce ne croit il ne voit goute,
Et le compère.
Dominus, li sauvères père
