Le texte de cette page a été corrigé et est conforme au fac-similé.
11
NOSTRE-DAME.
Tu yez Rachel la desirrée,
Tu yez la droite Sarray[1],
Tu iez la toison arouzée,
Tu yez li bouchons Synay[2].
Dou Saint-Espir fuz enseintée,
En toi vint-il et ombray,
Tant que tu fuz chambre clamée
Au roy de gloire Adonay.
De toi, sanz ta char entameir,
Nasqui li bers[3] de haut parage
Por le mal serpent esfreneir
Qui nos tenoit en grief servage,
Qui venoit les armes tenteir
Et n’en voloit panre autre gage[4],
Por les chétives affameir
En sa chartre antive et ombrage.[5]
Dame, toi doit-hon réclameir
En tempeste et en grant orage :
Tu iez estoile de la meir,
Tu iez à nos neiz et rivage[6].
Toi doi-hon servir et ameir :
