Fors seul Elysabel[1] ou suer.
A sa table, delez sa coste,
Les fet séoir, d’autre les oste
S’à autre vuelent asséoir ;
Ainz les veut delez li véoir.
Mengier les fet en s’escuele :
S’or fu dame, or est damoisele.
Dist Ermenjars, qui mult fu sage :
« Vous querez le nostre domage,
De ce que nous orguillissons,
Quant lez vous à table séons[2],
Et aquerrez en cestui geu
Vostre mérite et vostre preu. »
Lors répondi la dame adonques :
« En mon giron ne séez oncques ;
Mès or vous i covient séoir :
Si vous porrai de près véoir. »
Pos et escueles lavoit,
Là où ordoiez les savoit,
Com se de l’ostel fu bajasse :
Issi s’use et issi se lasse.
Aus povres sa robe donoit,
Si que petit l’en remanoit
Por chaufer ou por le pot cuire ;
Por eschiver la grant froidure
Aloit séoir en la cuisine,
Et ne pensse ne ne devine
Fors à regarder vers le ciel.
Page:Rutebeuf - Oeuvres complètes, recueillies par Jubinal, tome II, 1839.djvu/220
Le texte de cette page a été corrigé et est conforme au fac-similé.
213
LA VIE SAINTE ÉLYSABEL.
