Le texte de cette page a été corrigé et est conforme au fac-similé.
226
LA VIE SAINTE ÉLYSABEL.
Mesire Érars la me fist fère
De li signes, et toute trère
De latin en rime françoise ;
Quar l’estoire est bèle et cortoise,
L’estoire de la dame, afin
Qu’à Dieu ot cuer féable et fin.
De fin cuer loial finement,
Se l’estoire en la fin ne ment,
Bien dut finement definer,
Quar bien volt son tens afiner
En servir de penssée fine
Celui Seignor qui sanz fin fine.
Or prions donc à celi
A cui tant bien fère enbeli
Que por nous deprit à celui
Dieu qui ne refuse nului,
Et par sa proière en proit cele
Qui fu et sa mère et s’ancele,
Que il nous otroit cele joie
Que il à cele Dame otroie.
Explicit, Diex en soit léez !
Dites Amen, vous qui loez.
Explicit la Vie sainte Élysabel.
