Que des plus sages de la vile
Avoit tornez à sa créance.
Tant savoit d’art et d’ingromance
Qu’à l’anemi faire faisoit
Toutes les riens qu’il li plaisoit.
Par son conseil aloi mainte âme
El feu d’enfer et en la flamme.
Théophilus li radotez[1],
Qui engingniez et assotez
Fust, si con vos avez oï,
Et k’anemis ot esblohi
Si qu’en lui n’ot point de raison[2],
Au Juis vint en sa maison
Com cil que li déables porte,
Tout coiement hurte à sa porte[3].
Cil, qui fait ot mainte male oevre,
Mout tost acort et la porte oevre.
Quant il le voit si esperdu,
Bien set qu’il a le sens perdu
Et que déable l’ont soupris.
Théophilus, qu’avoit espris
Vaine gloire trop durement,
As piez li chet isnelement :
« Sire, fait-il, pour Dieu, merci !
Tant ai le cuer taint et noirci
Par un petit ne me part d’ire[4].
Mes évesques, mes noviaus sire,
Que Diex destruie, ensi l’asol !
Boté m’a jus de lassol
Et mis en are, en espace.
Si sui dolans, ne sai que face :
Tolue m’a ma seingnorie,
S’en ai tel duel et tel envie
Por un petit que je ne crief[5].
Se je par vos n’en vieng à chief
Et je par vos ne r’ai m’onor,
Mourir m’estuet à desonor. »
Cil, qui moult set d’art et d’engien,
Page:Rutebeuf - Oeuvres complètes, recueillies par Jubinal, tome II, 1839.djvu/284
Le texte de cette page a été corrigé et est conforme au fac-similé.
277
ET ÉCLAIRCISSEMENTS.
