va à vn autre ; car ils tiendroient à affront d’estre esconduits, s’il n’y auoit excuse vrayement legitime. Le monde estant inuité, on met la chaudiere sur le feu, grande ou petite, selon le nombre des personnes qu’on doit auoir : tout estant cuit et prest à dresser, on va diligemment aduertir ses gens de venir, leur disans à leur mode, Saconcheta, Saconcheta, c’est à dire, venez au festin, venez au festin (qui est vn mot qui ne deriue point pourtant du mot de festin, car Agochin, entr’eux, veut dire festin) lesquels s’y en vont à mesme temps, et y portent grauement chacun deuant soy en leurs deux mains, leur escuelle et la cueillier dedans : que si c’estoient Algoumequins qui fissent le festin, les Hurons y porteroient chacun vn peu de farine dans leurs escuelles, à raison que ces Aquanaques en sont pauures et disetteux. Entrans dans la Cabane, chacun s’assied sur les Nattes de costé et d’autre de la Cabane, les hommes au haut bout, et les femmes et enfans ||145 plus bas tout de suite. Estans tous entrez on dit les mots, apres lesquels il n’est loisible à personne d’y plus entrer, fust-il vn des conuiez ou non, ayans opinion que cela apporteroit mal-heur, ou empescheroit l’effect du festin, lequel est tousiours faict à quelque intention, bonne ou mauuaise.
Les mots du festin sont, Nequarré, la chaudiere est cuite (prononcez hautement et distinctement par le Maistre du festin, ou par vn autre deputé par luy), tout le monde respond, Ho, et frappent du poing contre terre, Gagnenon Youry, il y a vn chien de cuit : si c’est du cerf, ils disent, Sconoton Youry, et ainsi des autres viandes, nommant l’espece ou les choses qui
