Cette page a été validée par deux contributeurs.
— vii —
vous, ô mon Dieu, qui pouuez tout, et de qui nous esperons tout le bien qui en peut reüssir ; il y va de vostre gloire et de vostre seruice. Ayez donc pitié et compassion de ces pauures âmes, rachetées au prix de vostre sang tres-precieux, ô mon Seigneur et mon Dieu, afin que retirées des tenebres de l’infidelité, elles se conuertissent à vous, et qu’apres auoir vescu iusques à la mort, dans l’obseruance de vos diuins preceptes, elles puissent aller iouyr de vous dans l’eternité, auec les Anges bien-heureux en Paradis, où ie prie vostre diuine Majesté me faire aussi la grâce d’aller, apres auoir vescu icy bas par le moyen de vos grâces, dans la mesme grâce, en l’obseruance de mon Institut, et de vos diuins commandemens.
