Que l’Antechriſt ha la main fort habille
Car il ne faict qu’eſcrire,& compoſer,
Entendez vous ? c’eſt quand à l’evangille.
L’eveſque print le theſme de l’epiſstre
Pour mieulx ouvrir l’entendement à tous,
Et feit ſerment, que le fons de ſa mitre
Eſtoit ſi froid qu’il en avoit la toux :
On luy fourra, puis il parla plus doulx :
Et deviſa du trou de la Sibylle,
De ſainct Patricz, & de mille autres troux
Mais j’ay un peu la memoire labile.
Ockan monta ſur le plus hault eſtaige
De Pegaſus, & de nuict s’envolla :
Mais il laiſſa ſon cerveau pour hoſtaige
Parquoy revint parler à Scævola
Lequel luy dift, amy feez vous là,
Et nous rendez les rayons de la Lune.
Laberius (diſt il,) les avalla
Au grand’feſtin qu’il feit à Pampelune.
Sur ces propos je vy venir un poſte
Qui m’apportoit l’epiſtre Maguelonne,
J’ay ce luy dis je, une jambe en compoſte
Comment veulx tu que je picque, & talonne :
Il n’y ha rien(dict il) de Babilonne
Y voulez vous aux dames rien mander ?
Si tu y vois ou Triquon, ou Chalonne
Ne faillez pas de m’y recommander.
Page:Saint-Gelais - Oeuvres de luy tant en composition que translation ou allusion aux auteurs grecs et latins, 1547.djvu/18
Le texte de cette page a été corrigé et est conforme au fac-similé.
17
ENIGME.
