MONSEIGNEVR,
Cét ouurage auquël Saluſte le plus bel eſprit de ſon temps a faict voir le iour dans les tenebres de l’Antiquité s’en va reprendre ſon luſtre aupres de vous, qu’il recognoiſt pour ſon Apollon. Les Muſes qui portent le deuil du meſpris qu’on faict de leurs myſteres ſacrez en l’ingrat ſiecle où nous ſommes, luy ont donné l’aſſeurance de paroiſtre deuant vous, qui eſtes aujourd’huy leur Mecene. I’ay taſché de l’habiller ſimplement & ſans fard, ſçachant bien qu’il ne pouuoit auoir de plus precieuſe parure que celle de voſtre Nom : Car tout ainſi qu’en la face d’vn Palais Royal, les colomnes, les ſoubaſſements, & les termes honnorent tout l’edifice ; de meſme a l’ouuerture d’vn ſi beau liure, les œuures de cét excellent Hiſtorien s’embelliſſent des trophees, des lauriers, & des palmes de voſtre Gloire. C’est elle
