B ien mille nuyctz en pleurant ay paßé,
D õt i’ay ces chãps reduictz presque en maretz.
E nfin m’aßeix en ce val tout lassé.
L ors une voix me veint de ces forestz
D isant, Elpin, le bon iour vient auprime
Q ui te fera chanter plus douce ryme.
Ô homme heureuz qui d’autre stile doye
R econsoler tes ameres douleurs :
E t moy chetif, de iour en iour m’en voys
T ous elemens faschant de mes malheurs,
S i que ie croy qu’herbes, fontaines, roches,
E t tous oyseaux en plaignent es vaux proches
S’ ainsi estoit (Logisto.) quel pays
O uyt iamais tant & de si doux sons ?
D anser seroys boys & rocz esbahiz,
C omme Orpheus faisoit de ses chansons,
E t par les champs orroit on Tourterelles
S e resiouyr, & Ramiers entour elles.
I e te requiers (Elgin) que chascun iour
P assant par cy, ma tombe tu decores
D es fleurs qu’auras cueillyes en seiour,
E t que des vers tu me donnes encores,
