Cette page n’a pas encore été corrigée
aussi en piedz, et tournant le visage vers mondit sieur le Cardinal de Pelvé, repliqua de mesme en autant de carmes :
Les Frères Ignorants[1] ont eu grande raison De vous faire leur chef, Monsieur l’Illustrissime[2] : Car ceux qui ont ouy vostre belle oraison Vous ont bien reconneu pour ignorantissime. Tout le monde trouva ceste rime fort plaisante, et aprés avoir faict un second battement de mains, non toutesfois si long que le precedent, Monsieur de Lyon se leva et fit signe de la main qu’il vouloit parler. Parquoy, aprés que tout le monde eust sonorement et theologalement toussy, craché et recraché, pour l’ouyr plus attentivement a cause de la reputation de son eloquence, il discourut ainsi, ou environ.
