bien à faire vostre voyage de Tours, qui ne fut pas long ni de grand effect. Car, aprés avoir mené je ne sçay quelle troupe, ramassée de gens transportez d’erreur et d’amour de nouveauté que leur mettiez en la teste, pour braver vostre Maistre que pensiez prendre à despourveu, ou avec esperance que ceux de Tours feroient quelque tumulte pour le vous livrer ; sitost que veistes qu’on parloit à vous à coups de canon, et que le Roy de Navarre estoit venu assister et secourir son frere, ayant un notable interest qu’il ne tombast entre vos mains, la frayeur vous saisit tellement, au lustre des escharpes blanches, que ce fut à vous de vous retirer en diligence par des chemins esgarez où il n’y avoit point de pierres[1]. Et voulustes colorer vostre fuite sur la priere que nous vous fismes de nous secourir contre les courses de messieurs de Longueville, de La Noue et de Givry, aprés la honteuse levée du siege de Senlis[2]. nation de Champagne. — Les éditions postérieures ajoutent : « Celuy de l’Evesque de Meaux, vostre Chancelier, de l’Evesque d’Auxerre, Âmiot, jadis Grand Aumosnier, et du Prieur de Saint-Nicolas-des-Champs, et autres, qui vous aydèrent bien. . . »
