Page:Satyre menippee garnier freres 1882.djvu/363

XXXIV - DES SEIGNEURS DE VITRY ET DE VILLEROY

QUI ONT RECOGNEU LE ROY

L’Union s’en va désunie,

Tesmoings Vitry et Villeroy.

A Dieu en soit gloire infinie :

Louange à eux, honneur au Roy.

Ce lieutenant imaginaire,

Ce grand colosse enflé de vent,

Qui pensoit le Roy contrefaire,

Sera gros Jan comme devant.

La Ligue à se perdre commence,

Dont bien confus sont les meschants :

Estaincte en sera la semence,

Par hart, ou par glaives tranchants.

Gens de sang, de sac et de corde,

Qui vous faictes nommer Zelez,

Criez au Roy miséricorde

Ou au gibet vous en

Seize, Mont-faulcon vous apelle :

A demain ! crient les corbeaux ;

Seize piliers de sa chapelle

Vous seront autant de tombeaux.

XXXV - AU ROY

SUR SA TROP GRANDE CLEMENCE

C’est bien une vertu belle entre les plus belles,

D’estre doux aux vaincus et pardonner à tous ;