Cette page a été validée par deux contributeurs.
56
agrippine.
Que ie ne puis ſans vous achever mes deſſeins,
Et que vous connoiſtrez dans peu comme moy-meſme,
Si veritablement Agrippine vous ayme.[1]
Seianus
Enfin, quoy que Ceſar puiſſe faire auiourd’huy,
La peur dont i’ay tremblé retombera ſur luy,
Il faut que ie me rende auprés de ſa perſonne,
De peur qu’un entretien ſi ſecret ne l’eſtonne,
Vous ſortez en public pour tromper le Tyran,
Et gueriſſez un mal qui n’eſt pas aſſez grand ;
Contre trois Legions qui frapent à nos portes,
Tous les Pretoriens & cinquante Cohortes,
Nos gens eſpouventez ne feroient que du bruict,
Et n’en recueilleroient que la mort pour tout fruict,
Attendons que l’aſpect d’un Aſtre moins contraire,
Dedans ſon Iſle infame entraiſne encor Tibere.
- ↑ Vers équivoques.
