Hé vramant oüy oul ſçavet tous ces Geroſmes là ; les avet-il pas veus dans le Latin ? Son frère itou eſtet bien ſçavant, mais oul n’eſtet pas encore ſi ſçauant, car n’en marmuſet qu’oul n’avet appris le Latin qu’en François. C’eſtet un bon Nicolas, qui s’en allet tout devant ly, hurlu, brelu, n’en n’euſt pas dit qu’oul Y touchet, & ſtanpandant oui marmonet touſiours dans une baſtelée de Livres. Ie ne me ſçauras tenir de rire, quand ie me ramenteu des noms ſi biſcornus, & ſi par le ſanguoy tout ça eſtet vray, car oul eſtet moulé. D’auquns s’intiloient, s’intuloient : oüay ? ce n’eſt pas encore comme ça, S’inlutiloient, i’y ſis caſi : S’intilutoient : ſin, ſin, ſin ; Tanquia que ie m’entens bian.
Tu veux dire s’intituloient.
Oüy, oüy, ſin, ſin, hela qui ſe fefoient comme vous dites : Vela tout comme il le défrinchet. Ie ne ſçay pus où i’en ſis, vous me l’avez fait pardre.
