Il eſt permis par Priuilege du Roy, à Antoine Conſtantin, marchant Libraire demourant à Lyon, de imprimer, ou faire imprimer par telz imprimeurs des Villes de Paris, Lyon, & aultres que bon luy ſemblera, ce preſent Liure traictant d’Amours, intitulé Delie, ſoit auec Embleſmes, ou ſans Embleſmes, durant le tëps & terme de ſix ans prochainemët uenans. Icelluy liure mettre, & faire mettre & expoſer en uente & deliurer a qui en uouldra. Et eſt prohibé & deffendu, de par ledict Seigneur à tous Libraires, Imprimeurs, & aultres perſonnes que ceux auſquelz ledict Conſtantin aura donné charge deſdictes impreſſion & diſtribution ſur certaines & grandes peines audict Seigneur à appliquer, d’amende arbitraire, & de perditiô deſdictz liures & de tout ce qu’ilz y mettront, de ne le imprimer ne faire imprimer uendre ne diſtribuer, ſoit auec leſdictz Embleſmes ou ſans Embleſmes, ou aultremët en quelque manière que ce ſoit durant ledict temps de ſix ans. Le tout ainſi que plus à plain eſt cötenu & declaire es lettres patentes dudict Priuilege données a la Fere ſur Oyſe le trentieſme iour d’Octobre l’an de grace M. D. XLIII. Soubſcriptes par le Roy en ſon conſeil, nous preſent : Signées Coefier, & cellées en ſimple queue de Cire iaulne.
