air modeſte & galant tout enſemble, qui eſt l’ame de la beauté, & que vos Miroirs vous feront bien mieux voir que mes paroles. Mais apres tout Madame, l’oſeray je dire, & me pourra t’on croire ſi je le dis ? Voſtre Eſprit eſt encore plus beau que voſtre viſage : & c’eſt par luy principalement, que ma comparaiſon du Soleil eſt juſte. En effet ce Grand Eſprit a des clartez qui nous ébloüiſſent : il brille, & brille touſjours : ſes rayons percent l’obſcurité des choſes les plus cachées : il penetre tout ; il voit tout ; il connoiſt tout ; & rien ne ſe dérobe à ſa veüe. Mais il ne voit & ne connoiſt pas ſeulement les belles choſes, car il les produit luy meſme : les Fleurs qui ſont le plus bel Ouvrage du Soleil, cedent à celles de l’eloquence naturelle qui
