luy faire nulle violence, dans le doute où elle en estoit, elle vouloit qu’on l’observast soigneusement. Ammene se voyant donc en cette extremité, ne sçavoit à quoy se resoudre : il voyoit qu’infailliblement le mariage de Ciaxare ne pouvoit reüssir : il sçavoit que s’il demandoit de nouveau son congé, cela ne serviroit qu’à le faire resserrer plus estroitement : il voyoit par l’ordre que l’on avoit donné à la garde des Tentes Royalles, & par ceux qui veilloient sur ses actions, qu’il n’y avoit nulle apparence de se pouvoir sauver : & il ne voyoit point du tout, par où se tirer de ce labyrinthe. Helas, nous disoit il quelquefois, quand mesme je le pourray faire, que diray-je à Ciaxare, & que diray-je à Mandane ? leur aprendray je que Thomiris a eu de l’amour pour moy ? Et seroit il possible que je pusse faire un discours de cette nature ? Mais si je ne le dis point, que penseront aussi de ma suitte le Roy & la Princesse ? Que diront ils d’un procedé qui leur paroistra si estrangge ? Et ne m’accuseront ils point, d’avoir perdu la raison ? Cependant en l’estat où sont les choses, ce seroit le mieux qui me peust arriver : car du moins l’esperance de revoir Mandame me consoleroit : & mon innocence ne pourroit pas estre long temps cachée. C’estoit de cette sorte que raisonnoit Artamene, lors que Gelonide luy fit dire, qu’elle luy conseilloit de s’en aller le plustost qu’il pourroit : mais outre qu’il ne sçavoit pas trop bien comment il le pourroit faire ; il creût encore qu’il estoit bon de garder quelque forme en sa fuite : & pour cét effet, il fit supplier encore une fois la Reine, de luy donner son congé Mais elle luy fit respondre, que les choses n’estoient pas en termes de cela : & qu’il faloit absolument attendre
