faſchée, parce qu’elle vous aime ; mais elle en fut ſans doute apres bien aiſe, par la meſme raiſon. En effet Monſeigneur, ces belles fleurs ont eu de beaux fruits, & cette grande eſperance n’a point eſté trompeuſe, puis qu’elle a eſté ſuiuie par tant de Grandes actions. Vous auez preſques fait voir que la Fable d’Herculle pourrait eſtre vne Hiſtoire, & que les Héros peuuent eſtoufer des Serpents dans le Berçeau : puis qu’en vn âge où voſtre main auoit à peine la force de ſoutenir vne Eſpée, l’on a veû fuir deuant la voſtre, la plus ſuperbe, la plus fiere, & la plus orgueilleuſe Nation de tout l’Vniuers : leur Admirai ſe faire laſchement remorquer deuant vous, iuſques ſous les Tours d’vne Fortereſſe, pour s’empeſcher d’eſtre prie : ſes Galeres ſe cacher enſuite honteuſement dans vn Port en preſence
