Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/165

156

mémoires

notoire, que l’an, à l’incarnation nostre seigneur Jesus-Christ, mil six cens vingt quatre et le dix huictiesme jour du mois de novembre, après midy, au regne de très chrestien prince Louis, par la grace de Dieu Roy de France et de Navarre, par devant moy, notaire royal de la ville du Puy soubssigné, et en presence des tesmoingts bas nommés, ont esté establis en leurs personnes reverends pères en Dieu Dom Anthoine de Bretanges, prieur du couvent des Chartreux du Port Sainte-Marie, et Dom Pierre Maignet, aussi prieur du couvent des Chartreux de Bonnefoy, procureurs spécialement fondés et ayant charge expresse pour la passation des présentes du reverendissime père en Dieu, Dom Bruno d’Affringues, très reverend père général dudict ordre des Chartreux, ainsin que du pouvoir à eulx donné ont faict aparoir par lettres missives du secrétaire de l’ordre, en datte des xj^e juing et xxiii^e julhet dernier, lesquels, de leur gré pure et franche et libre volonté et audict nom de procureur susdict, ont vendu, quicté, ceddé, remis et transporté purement et à perpetuité et par tiltre de vente pure, perpetuelle et à jamais irrevocable, vendent, quictent, ceddent, remetent et transportent à noble Guilhaume de Bertrand, seigneur d’Ours, Pleyne, Chanteloube, et autres places, conseiller du Roy, juge maige et lieutenant general en la sénéchaussée du Puy, present, et pour soy, ses hoirs et successeurs à l’advenir, acceptant, scavoir est la toutelle terre et seigneurie du Mezenc, Bonnefont et le peage du Maulpas, estant ladicte terre et seigneurie en toute justice haulte, moyenne et basse, mixte, mère et impère, avec leurs servis, lods, milods, droicts et debvoirs de fiefs, rière fiefs et les domaines en dependans consistans en terre, bois, pasqueyrages et autres fonds et heritaiges et tout ce qu’a esté et comme il a esté acquis cy devant par Dom François de Lingendes, religieux et procureur dudict couvent de Bonnefoy, de messire Christofle de Charmazel l’Hermite de la Faye, seigneur de la Faye, Fressonnet, Mezenc et autres places, par contrat du cinquiesme decembre mil six cens dix sept ratiffié par autre contrat subsequant du vingt-cinquiesme d’octobre mil six cens dix huict receu