Page:Société des amis des sciences, de l’industrie et des arts de la Haute-Loire - Mémoires et procès-verbaux, 1878, Tome 1.djvu/249

175

documents et notes sur le velay

dominum F. Parisiensem episcopum pro prædicta discordia terminanda ac pace et concordia adhibenda multa tractata et proloquta fuerint una cum discretis viris magistro Guillelmo de Turre, jurisperito dicti domini episcopi et comitis procuratore, et Petro Salabruni, domicello, pro parte ipsius domini episcopi et comitis, et Joanne Ganha et Vitale Chabade, civibus Aniciensibus, pro parte civium et habitantium prædictorum ad hoc per partes prædictas, ut dixerunt, specialiter destinatis. Tandem partes prænominatæ concordantes, ut dixerunt, causam prædictam, quæ fuit inter ipsas in prædicta curia parlamenti Parisiensis hactenus ventilata, utrique ipsarum partium fore plurimum sumptuosam animadvertentes, etiam tractata et proloquta super questions prædicta per dictum dominum Parisiensem quondam episcopum finem utilem causæ seu questionis prædictæ prospicere pro utraque partium prædictarum, cupientes itaque dubios evitare eventus litium et ad viam pacis et concordiæ devenire : — Hinc est quod anno ab Incarnatione Domini millesimo trecentesimo quadragesimo nono et die quinta decima mensis Decembris, principe illustrissimo domino Philippo Dei gratia Froncorum^[sic] rege regnante, in nostrum notariorum publicorum et testium præsentia subscriptorum constitutæ personaliter partes præfatæ, videlicet reverendus in Christo pater et D. D. Johannes Dei gratia Aniciensis episcopus ac comes prædictus nomine suo et suæ Aniciensis ecclesiæ et successorum suorum episcoporum Aniciensium, qui pro tempore fuerint ab una parte, de consilio venerabilis capituli suæ Aniciensis ecclesiæ sibi impenso in hac parte, ut constat per patentes litteras in pargameno scriptas et sigillo dicti capituli cum cera viridi sigillatas impendente, quarum tenor talis est : « Universis per præsentes litteras fiat notum quod nos capitulum et canonici ecclesiæ Aniciensis super infrascriptis ad sonum campanæ, ut moris est, simul congregati, capitulantes et capitulum facientes, tractatum pacis et concordiæ super litigio ejus quod consulatus Aniciensis dicitur vertente inter reverendum in Christo patrem dominum Johannem Dei gratia episcopum Aniciensem ex parte una, et procuratorem regis et cives Anicienses ex parte altera, per reverendum patrem dominum Parisiensem episcopum quondam proloqutum, visis et diligenter attentis ipsius tractatus articulis et frequenter inter nos tam simul quam divisim super eo diligenti tractatu et deliberatione matura habitis, attentisque et consideratis omnibus quæ in præmissis hiis malis currentibus temporibus attendenda et consideranda fuere, prefato domino Aniciensi episcopo et nostræ Aniciensi ecclesiæ expedientem et utilem reputantes, eidem domino Aniciensi episcopo