Mas Cassanlohs[1] es fortz, perque no l’agron ges,
E per la garnizo que l’a mot ben defes,
Ques mes dins de Gascos fortment leugiers de pes
Que son bon dardasier.
Cassanhol asetja l’ostz, e a dins mot arquier
Ab Segui de Balencs, e mot bon cavalier.
Ab tot so lo prezeran si no fos le desturbier
Que lor fe lo coms Guis, car el n’ac gran aver,
E si c’ab l’arsevesque s’en pres a tensoner ;
No sai co s’en partiro ni cals fo l’acordier.
E cela est jutgero mot eretge arder
E mota bela eretga ins en lo foc giter,
Car convertir nos volon, tan nols podon preier.
E l’ivesques del Poi venc lai de ves Chacer[2] ;
Cest ac de la Causada[3] et del Borc mant denier.
Del Borc Sant Antoni[4], on el venc tot primer,
A l’ost de Cassanolh s’en volra el aler,
Car ilh li paron paucs e vol s’am lor mescler.
Aicels de Vilamur[5] venc .I. mal destorber :
Que un garso lor dig que l’ost vol caminer
E que de Cassanolh an fait ja destraper ;
E cant ilh o auziron fan lo foc alumner
E arson lo castel lo dilus a lo ser,
E pois si s’en fugiron can la luna lutz cler.
D’aicesta os tz de sai nous volh oi mais parler :
Tornar vos ai a l’autra que fo a Montpeslier.
Lo coms Ramon les guida, que lor a be mestier,
- ↑ Casseneuil, bourg du canton de Cancon, arrondissement de Villeneuve-sur-Lot. département de Lot-et-Garonne (Agénois).
- ↑ Chacer, ou les Cassez, château, prés de Saint-Félix de Caraman, arrondissement de Castelnaudary, département de l’Aude (Languedoc).
- ↑ Caussade, chef-lieu de canton, arrondissement de Montauban, département de Tarn-et-Garonne (Quercy).
- ↑ Saint-Antonin, chef-lieu de canton, arrondissement de Montauban.
- ↑ Villemur-sur-Tarn, chef-lieu de canton, arrondissement de Toulouse, département de la Haute-Garonne (Languedoc).
