niez tous à la raison, ou le juge en parlera. Voulez-vous que je ne boive plus que de l’eau, ou que j’aille querir à la taverne du vin mixtionné ? Il faut que vous me meniez chacun chez vous toute à cette heure, et que vous me donniez du vostre. Il n’eut pas si tost dit cecy, que sa femme vint poursuivre à belles injures tous ceux qui avoient beu leur vin, si bien que pour éviter cette tempeste aussi fascheuse que celle de la nuict, ils les laisserent là, et s’en allerent chez eux. Le bruit de leur avanture courut incontinent par tout, et principalement parmy les bourgeois de Paris qui estoient à Sainct Clou ; l’on eust bien voulu haster le jour pour voir ceux qui avoient esté si bien trompez : ils se trouverent à la grand’messe, et lors qu’elle fut dite et qu’ils furent sortis de l’eglise, l’
