Cette page n’a pas encore été corrigée
le mettroit en prison à Sainct Martin, où il seroit foüetté tous les jours, ou bien aux petites maisons, pour tenir compagnie aux foux que l’on y enferme. Cela mit Lysis extrémement en colere, et son cousin n’y estoit pas moins, mais Anselme apaisa tout par sa prudence, disant en particulier à Adrian, que comme il luy avoit desja remonstré, l’on ne pouvoit pas vaincre le naturel de ce jeune homme par la rigueur, et qu’il valoit mieux luy adherer, tellement qu’il le conjuroit de le laisser en sa garde un mois ou deux, et qu’il ne luy demanderoit rien pour sa pension. Adrian croyant qu’il estoit necessaire pour le depayser, qu’il fust ainsi avec quelque honneste homme,
