serviroit beaucoup à corriger celuy de Lysis, et il dit à tous ses parens qu’ils en auroient desormais plus de contentement que par le passé. Toutefois Anselme emporté par les fougues de la jeunesse, qui n’ayme qu’à passer son temps joyeusement, n’avoit pas envie de s’employer si tost à luy oster ses fantaisies, et accusoit en soy mesme Adrian d’une grande injustice, de vouloir priver le monde du plus excellent fou qui fut jamais, croyant que s’il l’eust remis en son bon sens, l’on eust esté bien fondé à le faire adjourner pour luy rendre sa folie. Il s’en vouloit donner du plaisir tandis qu’il seroit aux champs, estant assez riche pour faire la despence de sa nourriture, et comme nostre contentement n’est jamais parfait si nos amis ne sçavent
