Cette page n’a pas encore été corrigée
ment de Gismond, elle n’y avoit point presté consentement, et avoit mesme resisté à ses efforts. Toutes ces choses eloquemment debattuës, et meurement considerees, et le testament du deffunct Gismond par lequel Genevre est declaree chaste, tenu pour veu ; nous de nostre plein pouvoir à nous concedé par Cupidon, roy des hommes et des dieux, avons delivré et delivrons le cœur, l’ame, et les affections du deffendeur, de la puissance de la demanderesse, luy permettant de se pourvoir où bon luy semblera, et sans prejudice de la reputation de ladite Genevre, à laquelle nous enjoignons seulement d’avoir tousjours quelqu’un avec elle pour tesmoin de sa pudicité quand elle
