elle. Il se releva le mieux qu’il put, mais comme il appelloit Gringalet à basse voix, voyla quatre hommes qui passent qui ayans ouy le bruit de sa cheute luy demandent ce que c’est, et ayant aperceu son eschelle le prennent pour un voleur qui alloit escalader les maisons, joint qu’il refusoit de leur respondre. Pour l’escuelle qui estoit tombee à terre, ils ne la virent point ny les bouquets qu’il avoit atachez non plus, car ils ne songerent qu’à le tenir ferme et le mener jusqu’à leur demeure qui n’estoit pas esloignée, pour s’asseurer de sa personne et sçavoir qui il estoit. Lysis se laisse traisner paisiblement voyant que sa resistance est vaine, et il ne croit rien autre chose sinon que ce sont des pyrates qui le veulent enlever, comme
