Cette page n’a pas encore été corrigée
que si le ciel en avoit une pareille, il viendroit des geans qui mettroient encore Osse sur Pelion pour l’escalader. Ce discours si extravagant fit connoistre à ces bourgeois que cét homme cy avoit la teste fort mal faite, et trouvant en luy plus de simplicité que de malice ils s’en voulurent donner du passe-temps, et luy demanderent ce qu’il leur bailleroit s’ils luy rendoient la liberté. Il dit qu’il n’avoit point d’argent, et que quand il en eust eu, il ne leur en eust pas donné, veu qu’il n’estoit pas leur prisonnier de guerre pour estre obligé à leur payer une rançon. Comme ils en estoient là dessus un de la troupe considerant son habit extraordinaire, s’avisa qu’il avoit
