Cette page n’a pas encore été corrigée
toute heure les ombres y pourront passer en troupes sans atendre au rivage comme elles font. Outre cela l’on considere que les ames des bestes qui viennent icy pour quelque temps à fin d’aller apres en d’autres corps, y pourront passer pesle mesle, et puis il y a beaucoup d’esprits superbes de princes de capitaines et de financiers, qui veulent entrer en enfer, les uns en lictiere, les autres à cheval, et les autres en carrosse, ce qui se pourra faire facilement. Le gain sera grand en cecy pour Pluton, car au lieu que l’on ne donnoit qu’un pauvre drap à un trespassé, on luy donnera une belle robbe, et l’on ensevelira ses plus riches thresors avecque luy, voyant qu’il luy sera permis de les porter
