Cette page n’a pas encore été corrigée
salle qu’il en fit sortir toute la poussiere. Flore sa maistresse qui ne le pouvoit abandonner, ne tarda guere à venir apres, avec plusieurs autres nymphes qui semerent des fleurs par tout. Hercule, Mercure, Castor, Pollux, et quelques autres enfans de la maison, dresserent alors les tables, mirent la nappe, et rangerent les sieges. Ces meubles estoient faits du bois des arbres ausquels plusieurs hommes ont esté jadis metamorphosez. Jupiter et Junon ayans mis leurs habits des bonnes festes, s’en vinrent là pour recevoir la compagnie, et aussi tost arriva Ceres qui faisoit aporter du meilleur pain que jamais boulenger luy eust paistry, et Bacchus vint en suitte avecque Pan et les satyres
