Cette page n’a pas encore été corrigée
le lieu de clarté. Il estoit si courtois qu’il voulut aller baiser les dames l’une apres l’autre pour les salüer, mais comme il aprocha sa bouche de celle de Junon pour la baiser la premiere, elle se retira vistement sentant la chaleur de sa moustache qui luy brusloit la jouë. Jupiter s’estant aperceu de cecy, luy dit qu’il avoit tort de ne se point estuver le menton avec de l’eau fraische, si tost qu’il avoit quité ses feux. Vous ne dites pas que j’ay eu si haste de venir icy, repartit Phoebus, que je n’ay pas eu le loysir de me plonger dans la mer où Amphitrite ma belle hostesse m’apreste tousjours un bain. Elle m’y traite à table d’hoste ; j’ay peur qu’elle ne me fasse payer pour aujourd’huy, encore que je n’
