Cette page n’a pas encore été corrigée
de leur maistresse, mais comment auray-je celuy de la mienne ? Où est le peintre si expert qui me la puisse tirer ? Un mortel ne la peut regarder fixement. Il n’y a que l’amour qui soit capable d’accomplir cet ouvrage ; aussi me l’a-t’il bien peinte dedans le cœur. Je serois fort aise pourtant de l’avoir s’il estoit possible en un autre tableau, pour le mettre sur un autel, et en faire mon idole. Anselme luy dict là dessus qu’il devoit croire asseurément que pourveu qu’il connust Charité il feroit son portraict si bien qu’il s’en contenteroit. Et en effect il disoit la vérité ; car il s’estoit plu à la peinture dès son enfance, comme à une gentillesse qui ne
