Cette page n’a pas encore été corrigée
Venus desirant s’entretenir d’autre chose, gaussa Jupiter sur ce qu’elle l’avoit contraint plusieurs fois de changer de forme. Ce qu’elle luy dit de meilleur, fut qu’il n’avoit pas pratiqué en bonne saison toutes ses metamorphoses, et que ce n’estoit pas pour Europe qu’il se devoit changer en taureau, mais bien pour Io qu’il avoit changee en vache, par ce qu’ayans tous deux le corps d’un mesme animal, ils se fussent bien mieux joints, et eussent produit quantité de petits veaux, qui eussent esté deifiés, et eussent eu fort bonne mine à se promener par le ciel. Jupiter voulant prouver premierement que les plus chastes deitez se laissoient quelque fois vaincre par l’amour, aussi
