Cette page n’a pas encore été corrigée
de sa coiffure qui estoit si mal faite, qu’il estoit fort aysé à voir que les furies infernales estoient ses perruquieres ordinaires. Elle se vouloit rire aussi de la coiffure extravagante de la vieille Cybelle, qui avoit des villes et des chasteaux sur sa teste, mais l’aurore qui estoit aupres d’elle luy vint dire : ne vous en moquez pas, belle Cypris, vous seriez bien empeschee de luy donner un moyen de s’accommoder mieux pour une deesse antienne et modeste comme elle est. J’en parle comme sçavante, car dés la naissance du monde, je suis sa dame d’atour, et tous les matins, je luy donne une robbe selon les saisons, tantost brodee de perles et de fleurs, et passementee de verdure, et tantost doree de moissons,
