Cette page n’a pas encore été corrigée
les dames ingrates : ainsi l’on peut dire qu’elles sont tout ce qui vous plaist qu’elles soient. L’amoureux berger ne respondit point à cette raillerie, car il ne l’entendit pas, ayant l’esprit occupé à songer à l’air qu’il donneroit à sa chanson. Il en avoit composé un du commencement et de la fin de deux autres que l’on luy avoit apris autrefois, et neantmoins il s’imaginoit qu’il n’y avoit rien qui ne partist de luy. Quand il l’eut chanté l’on luy confessa qu’il estoit admirable, et pource qu’il estoit desja tard, l’on se mit à table pour disner. Clarimond s’en alla un peu apres, disant que quelque affaire domestique l’apelloit, et que sa bonne mere croiroit qu’il fust perdu, s’il ne
