Cette page n’a pas encore été corrigée
cts : mais tout cecy estoit peu de chose ; l’on s’imagina que l’on pourroit bien recevoir d’autres contentemens d’Amarylle. Toutesfois l’on n’en parla point, et ceux qui estoient de dehors, s’en retournerent chacun chez eux, laissans Leonor avec sa nouvelle servante. Amarylle passa quatre jours avec tous les contentemens du monde. On luy avoit donné une petite chambre où elle couchoit toute seule, et n’en sortoit point qu’elle ne se fust toute habillee devant un miroir qu’elle avoit. Encore qu’elle ne parlast à Charite que comme à une fille indifferente, le ciel luy faisoit beaucoup de grace à son avis, de luy donner le moyen de la voir quasi tousjours. Leonor ne s’ennuyoit
