Cette page n’a pas encore été corrigée
luy estoit tout estrange de voir que l’on l’apelloit de ce nom. Elle se tastoit en la partie qui fait les hommes, et bien qu’elle y trouvast ce qui avoit accoustumé d’y estre, elle ne s’asseuroit point qu’il y fust. Ce doute luy dura jusqu’à tant que le magicien, comme pour user d’un contre charme, luy eust jetté un peu d’eau sur la teste, en proferant quelques mots barbares. Apres elle reprit ses habits de berger, et s’en alla conter à la nymphe Synope, toutes les avantures qu’elle avoit couruës. Tout cecy avoit esté une partie faite par Clarimond et Anselme, qui avoient envoyé querir Hircan. Ils estoient demeurez au chasteau d’Oronte avec le reste de la compagnie, et ils eurent
