mais il ne luy en confessa rien, encore qu’il en eust beaucoup de soupçon, et qu’il s’en enquist par plusieurs fois, tellement que Lysis, facile à persuader, lui dit que si ce n’estoit point luy, qui luy avoit respondu, il avoit veritablement trouvé un lieu où écho se monstroit bien joviale, et que dans tous les livres de bergeries, il n’avoit point veu qu’elle fust de si bonne humeur. Je ne sçay d’où peut venir cela, poursuivit-il, elle se gausse maintenant de tout. N’a-t’elle plus d’ennuy qui la travaille ? N’est-elle plus amoureuse de Narcisse, ayant trouvé que Charité a un plus beau visage que luy ? Mais tout au contraire n’a-t’elle pas du suject de s’atrister, puis que Charité est de son sexe, et qu’elle n’en sçauroit recevoir de contentement ? N’est-ce
