Cette page n’a pas encore été corrigée
où il estoit. Il luy dit qu’il estoit changé en arbre, ou qu’il s’imaginoit de l’estre, ce qui l’estonna merveilleusement. Il s’enquit encore pour quel suject c’estoit qu’ils vouloient garder des moutons. Carmelin respondit que pour cela il n’y avoit point de mal : mais que si l’on en vouloit parler à son maistre, il en rendroit bien meilleure raison que luy. Bertrand n’en pouvant tirer d’autre satisfaction, toute sa famille se coucha en paix, et l’aprentif berger aussi. Pour le moins trois heures apres, comme le temps se mettoit au beau, la lune commença de paroistre en son plein, et Lysis la considerant la salüa de ces paroles. Tu sois la bien-venuë, belle Diane au front d’argent, où est-ce
