Cette page n’a pas encore été corrigée
elles se misrent toutes trois à marcher, et Lysis alla apres avec beaucoup de peine, car il avoit les jambes tout engourdies de les avoir euës enfermees : mais comme ils furent au pré il se reposa sur l’herbe, et les nymphes aussi. Il faisoit des remercimens à Synope, de la souvenance qu’elle avoit euë de luy, lors qu’il entendit une certaine harmonie, qui luy fit dresser les oreilles comme à un chat qui entend le cry d’une souris. C’estoit un luth qui s’acordoit assez mal avec un violon, mais un peu apres le violon cessa de joüer, et l’on n’entendit plus que le luth qui s’acordoit avec une voix, qui veritablement estoit excellente. Elle chantoit un air qui avoit esté fait pour des nayades au dernier balet du roy. Lysis oyant cecy
