Cette page n’a pas encore été corrigée
son consentement. à son deffaut, je m’en vay vous aprendre ce que vous desirez sçavoir de luy. Bien long-temps auparavant que Pharamond fust roy des françois, la Brie avoit un roy qui par le nombre de ses vertus egaloit celuy de ses sujects. Il s’apelloit Brisefer, et son fils s’apelloit Morin, qui est cét honneste dieu que vous voyez. Or il passa par icy la petite niepce d’une fee qui à sa naissance avoit eu deux dons, à sçavoir celuy de la beauté, et celuy de la metamorphose. C’est que pour ensorceler un homme elle n’avoit qu’à luy monstrer son visage naturel, et qu’apres cela elle prenoit telle forme qu’elle vouloit, comme si son corps eust esté de terre molle.
