de Champagne qui estant venu en la cour de mon pere, me donnoit tant d’assauts,
p201
qu’il estoit quasi quelquefois sur la contrescarpe de mon honneur. Il protestoit que je l’avois mis en telle servitude qu’il adoroit tout ce qui m’apartenoit et se confessoit mesme esclave des puces de mes levriers. Il souffroit pour moy tant d’ennuys qu’il aprit l’arithmetique tout exprez pour me les pouvoir nombrer, et jouant un soir avec moy au piquet, il prit les jettons et m’en fit le compte, qui revenoit presque à trois cens mille, six cens vingt six et demy, sans faire mise ny recepte des petits soucis et des menuës pensees. Cette invention estoit belle, et si les amans de ce siecle l’avoient, il n’y en auroit guere qui ne donnassent facilement le crochet à leurs maistre
