Cette page n’a pas encore été corrigée
d’y demeurer, et eust esté bien fasché d’en estre sorty, tant il avoit de desir qu’elle fust veritable pour causer plus d’admiration aux autres. Comme il estoit parmy ses réveries deux hommes à cheval passerent par un chemin assez proche de son arbre. Ils aperceurent sa teste avec la boëtte dessus, et ne pouvans bien descouvrir ce que c’estoit que cette figure grotesque, ils eurent la curiosité d’aller jusques à luy. Hé ! Que faites vous là ? Mon amy, luy dit l’un : servez vous d’espouvantail aux oyseaux ? Il me semble qu’il n’en est point de besoin ; il n’y a point de cheneviere icy contre. N’est-ce point plustost que vous estes à la chasse ? Luy dit l’autre, et que vous avez tendu des filets quelque part. N’avez vous
