le temps. Mais sur tout il estoit fort charmé par la collation dont il voyoit des preuves qui luy faisoient quasi croire tout le reste. Il avoit rencontré à ses pieds la boiste de cotignac qui estoit des relicas du banquet, et bien qu’elle fust toute terreuse, il ne laissoit pas de manger tout ce qu’il y avoit dedans, et de lescher encore le bois avec sa langue. Estant attiré par ces douceurs, il s’en retourna de bonne heure chez son hoste pour mettre ses moutons à l’estable, et ayant dit que l’on ne l’attendit point à coucher, il s’en revint voir son maistre. Ils parlerent ensemble des delices futures, et Lysis disoit à Carmelin entre autres choses, que s’il le pouvoit faire enregistrer en la confrairie des deitez champestres, il sçavoit une hamadryade qui estoit
