Cette page n’a pas encore été corrigée
moins que ce ne soit pas pour un homme vulgaire. Remets en ta memoire ces lieux communs avec lesquels on a syringué de la doctrine en ton esprit, sans que tu ayes jamais estudié sur aucun ancien autheur. Carmelin fut esveillé par ces paroles qu’il entendit à demy, et son maistre apercevant desja la troupe divine, sortit allaigrement de son arbre pour se monstrer diligent à l’aller recevoir. Lucide luy venant la premiere à la rencontre, il luy fit une humble reverence, et la nymphe luy rendant le change, luy demanda comment il s’estoit porté, depuis la derniere veuë. J’ay tousjours esté fort gay, respondit Lysis, et je m’asseure que mes branchages ont esté bien verdissans, car je vivois en esperance de vous revoir
